राहुल चव्हाणांचा खा.जाधव, संजय कुटेंवर हल्लाबोल! म्हणाले, "या" तालुक्याचा आमदार गद्दारांच्या बॅगा घेऊन पळणारा!

पुढे बोलतांना राहुल चव्हाण म्हणाले की, महाराष्ट्राच्या मातीसोबत मिंधे गटाने गद्दारी केली आहे. इथली माती गद्दारांना माफ करीत नाही. इथले आमदार सुरत आणि गुवाहाटीत गद्दारांच्या बॅगा घेऊन पळत होते. त्यामुळे आगामी लोकसभा निवडणुकीत गद्दार खासदारांना आणि विधानसभा निवडणुकीत गद्दार आमदारांना जमिनीत गाडण्यासाठी तयारीला लागा असे आवाहन राहुल चव्हाण यांनी केले. हिंदुत्वासाठी आम्ही बाहेर पडलो असे गद्दार सांगतात मग अजित पवारांचे कोणते हिंदुत्व तुम्हाला पटले याचे उत्तर मिंध्यांनी द्यावे असे राहुल चव्हाण म्हणाले. स्थानिक आमदारांवर हल्लाबोल करतांना चव्हाण म्हणाले की, जळगाव जामोद मध्ये विकास नावाला देखील दिसत नाही. वनवासी समाज इथे राहतो म्हणून या समाजाकडे कायम दुर्लक्ष करण्यात आल्याचा आरोपही राहुल चव्हाण यांनी यावेळी केला. आगामी लोकसभा निवडणुकीत बुलडाणा लोकसभा मतदारसंघात उद्धव बाळासाहेब ठाकरेंच्या नेतृत्वातील शिवसेनेचाच उमेदवार विजयी होणार आहे ही काळ्या दगडावरची रेख आहे. बूथ प्रमुखांनी आपापल्या बूथ वर लक्ष केंद्रीत करावे, विजयाचा गुलाल उधळण्याची तयारी करा असेही राहुल चव्हाण म्हणाले.