बुलडाण्यात आज राडा होणार! "आत्मदहन करू द्या नाहीतर आम्हाला गोळ्या घाला" आंदोलनावर रविकांत तुपकर ठाम! पेट्रोल - डिझेल च्या कॅना घेऊन शेतकरी बुलडाण्याकडे निघाले!

 बुलडाणा शहराला आज पोलीस छावणीचे स्वरूप प्राप्त झाले आहे. कालच अमरावती परिक्षेत्राचे पोलीस उपमहानिरिक्षक जयंत नाईकनवरे यांनी बुलडाणा येथे येत रविकांत तुपकर यांच्या आंदोलनासंदर्भात पोलिसांना निर्देश दिले. एकही अनुचित प्रकार घडणार याची काळजी घ्या, सुरक्षा व्यवस्था काटेकोर ठेवा अशा सूचना जयंत नाईकनवरे यांनी पोलिस विभागाला दिल्याचे कळते. मात्र असे असले तरी जीवावर उदार झालेल्या  हजारो शेतकऱ्यांना आवरता आवरता पोलीस विभागाच्या नाके नऊ येण्याची शक्यता आहे..एकंदरीत रविकांत तुपकर यांनी म्हटल्याप्रमाणे बुलडाण्यात आज राडा होण्याचीच शक्यता आहे.