मोताळ्यात हर्षवर्धन सपकाळांच्या हस्ते प्रा.नरेंद्र खेडेकरांच्या प्रचार कार्यालयाचे उद्घाटन! सपकाळ म्हणाले, खेडेकरांचा विजय निश्चित,विरोधकांनी पराभव पचवण्याची तयारी ठेवावी

 पुढे बोलतांना हर्षवर्धन सपकाळ म्हणाले की, केंद्र आणि राज्य सरकारच्या कारभाराला आता देशातील जनता वैतागली आहे. बेरोजगारीची समस्या मोठ्या प्रमाणात आहे, दरवर्षी १ कोटी रोजगार देण्याचे आश्वासन त्यांनी दिले पण फेकू ने दिलेले आश्वासन फेकू निघाले असे ते म्हणाले. देशाची वाटचाल हुकूमशाहीकडे, अराजकतेकडे होत आहे असे सपकाळ म्हणाले. जिल्ह्यात काही परिस्थिती वेगळी नाही, सत्ता एककेंद्री झाली आहे, गुंडगिरी प्रवृत्ती वाढली आहे,यांना लोकप्रतिनिधी म्हणायची देखील लाज वाटते असे हर्षवर्धन सपकाळ म्हणाले. महाविकास आघाडीसाठी अनुकूल वातावरण आहे,सगळे नेते एकदिलाने काम करीत आहेत त्यामुळे प्रा.नरेंद्र खेडेकरांचा विजय निश्चित आहे असे हर्षवर्धन सपकाळ म्हणाले. यावेळी शिवसेना जिल्हाप्रमुख जालिंधर बुधवंत आणि काँगेसनेत्या जयश्रीताई शेळके यांचीही भाषणे झाली, त्यांनी प्रा.खेडेकरांच्या विजयासाठी झपाट्याने कामाला भिडण्याचे आवाहन केले.