बुलडाणेकरांच प्रेम पाहून भारावलो! पदवीधरांचा विश्वास सार्थ ठरवेल; बुलडाण्यात जाहीर सत्काराला उत्तर देताना आमदार धिरज लिंगाडेंचे प्रतिपादन!

भाजप उमेदवारांचे तगडे आव्हान होते. त्यांची उमेदवारी आधीच जाहीर झालेली होती. त्यामुळे नोंदणी करण्यासाठी आणि निवडणुकीची तयारी करण्यासाठी भाजप उमेदवारांकडे भरपूर वेळ होता, तो वेळ आपल्याकडे नव्हता. मात्र महाविकास आघाडीच्या नेत्यांनी आ. डॉ. शिंगणे साहेबांच्या मार्गदर्शनात जिल्ह्याची जबाबदारी सांभाळली. उर्वरित चार जिल्ह्यातही महाविकास आघाडीचे नेते प्रचारासाठी झटले त्यामुळे आपला विजय झाल्याचे आमदार लिंगाडे म्हणाले.

  माजी मंत्री आ. डॉ शिंगणे म्हणाले की,

विदर्भाचा, अमरावती विभागाचा ,बुलडाणा जिल्ह्याचा बॅकलॉग भरून काढण्याची जबाबदारी सुशिक्षित मतदारांनी लिंगाडे यांच्यावर सोपवली आहे. विधानपरिषदेत आमदारांची संख्या कमी असल्याने विषय मांडण्याची संधी अधिक मिळते. बी. टी देशमुखांनी ज्या प्रमाणे पदवीधरांच्या प्रश्नांना वाचा फोडली तोच वारसा धिरज लिंगाडे पुढे नेतील असा विश्वास असल्याचे ते म्हणाले. काँग्रेस  जिल्हाध्यक्ष राहुल बोंद्रे यांनी धिरज लिंगाडे यांच्यामुळे काँग्रेसची व महविकास आघाडीची ताकद वाढल्याचे सांगितले. यावेळी बोंद्रे यांनी धिरज लिंगाडे यांच्या प्रचारासाठी मदत करणाऱ्या महाविकास आघाडीच्या नेत्यांचे आभार मानले. माजी आमदार हर्षवर्धन सपकाळ बोलतांना म्हणाले की, आमदार कसा असावा आणि आमदार कसा नसावा असे दोन्ही आमदार बुलडाणा शहरात पहायला मिळणार आहेत. महाविकास आघाडीच्या नेत्यांनी अशीच एकजूट आगामी निवडणुकांत सुद्धा दिसणार असल्याचे ते म्हणाले. सुत्रसंचालन सुनील सपकाळ यांनी तर आभार सुनील आंबेकर यांनी मानले.