पक्षीय उमेदवार ठरेना; अपक्षांची धूम! बुलडाणा लोकसभा मतदारसंघातील अनोखे चित्र

सदैव आंदोलनात व्यस्त, शेतकरी चळवळ हाच ध्यास व श्वास असणारे रविकांत तुपकर यांच्या पाठिशी लाखो शेतकऱ्यांची आशीर्वादरूपी ताकद आहे.आता त्यात शहरी नागरिक, विद्यार्थी, कामगार यांचीही भर पडली आहे, तर संदीप शेळके यांना प्रबळ शाहू परिवार आणि अन्य संस्थांचे पाठबळ आहे. मात्र त्यांनी जेव्हापासून वन बुलडाणा मिशनच्या माध्यमाने जिल्ह्याच्या अविकसितपणा, मागासलेपण, त्यासाठी जबाबदार सर्वपक्षीय लोकप्रतिनिधी, नेते यांच्याविरुद्ध आवाज बुलंद केला, तेव्हापासून ते व्यापक झाले. एक मोठी दृश्य-अदृश्य विकासप्रेमी नागरिकांची फौज त्यांच्या पाठिशी उभी राहिली आहे. यामुळे वर्षभरात ते "उद्याचे नेते ' म्हणून उदयास आले आहे. जिल्ह्यात ५० पेक्षा अधिक संवाद मेळावे घेतले.