नरेंद्र खेडेकरांच्या कार्यालयाकडून निष्ठावंत शिवसैनिकांना ४ जूनच्या तयारीला लागण्याच्या सूचना! विजयाचा विश्वास, गुलाल आपलाच; सोशल मीडियावर फिरतोय मॅसेज...

विद्यमान खासदार प्रतापराव जाधव, नरेंद्र खेडेकर आणि रविकांत तुपकर अशी तिरंगी लढत होत असल्याचे राजकीय विश्लेषकांचे म्हणने आहे. २०१९ सारखा यंदा वंचित फॅक्टर चालला नाही. वंचित जिंकण्यासाठी नव्हे तर मते खाण्यासाठी उभी असल्याचा मॅसेज जनमानसात गेल्याने त्याचा फायदा महाविकास आघाडीला झाल्याचेही राजकीय विश्लेषकांचे म्हणणे आहे.अर्थात राजकीय विश्लेषक अद्याप कुणाच्याही विजयाचा दावा करायला नाहीत. त्यामुळे ४ जुनलाच बुलडाणा लोकसभेचा खासदार कोण असेल हे ठरणार आहे. असे असले तरी प्रा.नरेंद्र खेडेकर आणि त्यांचे समर्थक मात्र विजय आपलाच असल्याचे सांगत आहे. "तुम्ही गद्दारीला गाडण्यासाठी मतदान केलंय, ४ जूनला गुलाल आपलाच" अशी पोस्ट नरेंद्र खेडेकर यांच्या अधिकृत फेसबुक पेजवरून पोस्ट करण्यात आली आहे.