ना.प्रतापराव जाधवांचा मराठीबाणा.. मराठीतून घेतली लोकसभा सदस्यत्वाची शपथ;

  यंदा ही १८ वी लोकसभा असून लोकसभेचे पहिले अधिवेशन आजपासून सुरू झाले आहे. अधिवेशनासाठी हंगामी लोकसभा सभापती म्हणून मातृहरी मेहताब यांची निवड करण्यात आली. दरम्यान, निवडून आलेल्या सर्वच लोकसभा सदस्यांनी संसद भवनात सदस्य पदाची शपथ घेतली. दरम्यान, बुलढाणा लोकसभेचे प्रतिनिधित्व करत सलग चौथ्यांदा ना. प्रतापराव जाधव यांनी मराठीतून शपथ घेतली. ना. जाधव यांचे मायबोली मराठीशी असलेले प्रेम यानिमित्ताने दिसून आले. २४ जून ते ३ जुलै या कालावधीमध्ये पहिले अधिवेशन होत आहे.