"मेरी जान कों खतरा हैं, जल्द निर्णय लो'... मेसेज गेला अन्‌...
अखेर कंपनीच्या वरिष्ठ अधिकाऱ्यांना याबाबत कळवल्यानंतर १० दिवसांत पीक विम्याचे पैसे शेतकऱ्यांच्या खात्यात जमा होतील, असे लेखी आश्वासन कंपनीकडून देण्यात आले. जिल्हा कृषी अधिकारी नरेंद्र नाईक यांनी तसे पत्र तुपकरांना दिल्यानंतर तुपकरांनी रिलायन्सच्या मॅनेजरला सोडून दिले.
मॅनेजरने कंपनीला पाठवला तो मेसेज अन्‌...
तुपकर व कार्यकर्त्यांनी कंपनीचे जिल्हा मॅनेजर शर्मन कोडीयत्तर यांना पकडून ठेवले होते. तुपकर व कार्यकर्त्यांचा आक्रमकपणा पाहून घाबरलेल्या मॅनेजरने "मेरी जान कों खतरा हैं, जल्द निर्णय लो' असा मेसेज वरिष्ठांना पाठवला. त्यानंतर वरिष्ठ पातळीवर सूत्रे फिरली. जिल्हा कृषी अधिकाऱ्यांनीही कृषी आयुक्तांशी चर्चा केली. त्यानंतर कंपनीने लेखी पत्र जिल्हा कृषी अधिकाऱ्यांना पाठवले. ते पत्र रविकांत तुपकरांना देण्यात आले. कंपनीने दिलेला शब्द पाळला नाही तर पुढचा मोर्चा कलेक्टर ऑफिस नाही, कृषी अधिकारी कार्यालयावर नाही तर अंबानीच्या घरावर मुंबईला जाईल, असा इशारा रविकांत तुपकर यांनी दिला.