संविधान जागर यात्रेला सहाव्या दिवशी मोठा प्रतिसाद!

 ११ दिवस ,१०२ गावे, ७०० किलोमीटरचा प्रवास अशी एकुण रूपरेषा यात्रेची आहे. यात्रेचा सहावा दिवस सुरू आहे. आतापर्यंत ४०० किलोमीटर प्रवास यात्रेने पूर्ण केला. सकाळी संविधान जागर यात्रा साखळी बुद्रुक गावात पोहचली. त्यावेळी गावकऱ्यांनी ढोल ताशा वाजवून जल्लोषात यात्रेचे स्वागत केले. इतकंच नाही ग्राम फेरीतील सहभागी सदस्यांना फेटे बांधण्यात आले. त्यामुळे चिखली विधानसभा मतदारसंघात संविधानाचा जागर होतो आहे, जनतेचे दिवसागणिक प्रेम यात्रे विषयी वाढले असल्याचे राहुल बोंद्रे म्हणाले. २७ जानेवारीपासून चिखली विधानसभा मतदारसंघात संविधान जागर यात्रा सुरू आहे. आज यात्रेचा मुक्काम रायपूर या गावी होणार आहे.