उद्या बुलडाणा आणि चिखलीत महायुतीचा कार्यकर्ता संवाद मेळावा ! खा.जाधव आता फ्रंटफुटवर येऊन खेळणार! खा.जाधवांना चौथ्यांदा विजयी करण्यासाठी महायुती आखणार व्युव्हरचना..

  तीन वेळा चढत्या फरकाने निवडणूक आलेल्या खा.जाधवांना पुन्हा चौथ्यांदा उमेदवारी जाहीर झाले आहे. त्यामुळे अधिकृतरित्या खा.जाधव यांच्या प्रचाराची सुरूवात झाली आहे. उद्या, बुलडाणा येथील धाड नाका परिसरातील ओंकार लॉन्स वर सकाळी १० वाजता तर दुपारी १ वाजता चिखली येथील सवणा फाट्यावरील आशीर्वाद मंगल कार्यालयात महायुती कार्यकर्ता संवाद मेळावा होणार आहे. स्वतः खासदार प्रतापराव जाधव , आमदार डॉ.राजेंद्र शिंगणे, आ.संजय कुटे, आमदार श्वेताताई महाले, आमदार संजय कुटे, माजी आमदार धृपदराव सावळे यावेळी महायुतीच्या कार्यकर्त्यांशी संवाद साधणार असून याच मेळाव्यात खा.जाधव यांना चौथ्यांदा विजयी करण्यासाठी व्युव्हरचना आखण्यात येणार आहे. अधिकृत रित्या उमेदवारी जाहीर झाल्यानंतर खा.प्रतापराव जाधव उद्या फ्रंटफुटवर येऊन फटकेबाजी करण्याची शक्यता आहे. उद्या होणाऱ्या दोन्ही मेळाव्यांना मोठ्या संख्येने उपस्थित राहण्याचे आवाहन महायुतीच्या वतीने करण्यात आले आहे.दरम्यान आज सायंकाळी खा.जाधव आणि आ.गायकवाड यांनी ओंकार लॉन्स वर जाऊन तयारीचा आढावा घेतला.