विधान परिषद निवडणूक... बुलडाण्यात ११ मतदान केंद्र!

येत्या १० डिसेंबर रोजी ही निवडणूक पार पडणार आहे. यासाठी जय्यत प्रशासकीय तयारी करण्यात येत आहे. मतदान केंद्राचे निर्धारण हा त्याचा एक भाग ठरावा. एकूण ८२१ मतदार असलेल्या या मतदारसंघात महिलांचे निर्णायक म्हणजे ४३२ मतदान असून, पुरुष मतदार ३८९ इतके आहेत. बुलडाणा जिल्ह्यात सर्वाधिक म्हणजे ३६८ मतदार असल्याने केंद्रांची संख्याही सर्वाधिक म्हणजे ११ इतकी आहे. संग्रामपूर व मोताळा वगळता इतर ११ तालुक्यांत ही केंद्रे कार्यान्वित राहणार आहेत. अकोला जिल्ह्यातील २८५ मतदारांसाठी ७ तर वाशिम जिल्ह्यातील १६८ मतदारांसाठी ४ केंद्रांची व्यवस्था करण्यात आली आहे. १० डिसेंबर रोजी सकाळी ८ ते सायंकाळी ४ वाजेदरम्यान मतदान पार पडणार आहे. १४ डिसेंबरला मतमोजणी होणार आहे.