चिखलीत कृषी उत्पन्न बाजार समितीच्या निवडणुकीचे राजकारण पेटणार! महाविकास आघाडीचे आज बाजार समितीला घेराव आंदोलन;

आज ,३ एप्रिलला अर्ज भरण्याचा शेवटचा दिवस असून दुपारी ३ पर्यंत अर्ज स्वीकारले जाणार आहेत. त्यामुळे चिखलीच्या कृषी उत्पन्न बाजार समितीच्या कार्यालयाच्या परिसरात चांगलाच राडा होण्याची चिन्हे आहेत. आम्ही वारंवार कृषी उत्पन्न बाजार समिती प्रशासनाला विनंती केली, निवेदने दिली मात्र त्यांच्याकडून कोणतेही उत्तर आले नाही. आमच्याकडे कोणती थकबाकी आहे ते तरी कळवा असेही  पत्र बाजार समिती प्रशासनाला दिले मात्र त्यांच्याकडून उत्तर आले नाही. शेवटी बाजार समितीच्या खात्यात ६ लाख रुपये आरटीजीअस केले, त्या रकमेतून आमच्याकडे जर थकबाकी असेल तर ती काढून घ्या असेही पत्र दिले मात्र बाजार समितीचे अधिकारी सत्ताधाऱ्यांच्या दबावाला बळी पडून आम्हाला उत्तर देत नाहीत. आमचेच पैसे त्यांच्याकडे आहेत मात्र तरीही ते नोड्युल द्यायला तयार नाही. पराभवाची कुणकुण लागल्याने हे असले प्रकार सुरू आहेत असे काशिनाथ बोंद्रे म्हणाले. जिल्हा निवडणूक अधिकाऱ्यांकडे याची तक्रार केली असून  प्रशासनाच्या हुकूमशाहीच्या विरोधात आजचे घेराव आंदोलन असल्याचे बोंद्रे म्हणाले.