जिल्हावासियांसाठी GOOD NEWS! खासदार प्रतापराव जाधवांनी अखेर जमवलंच; खामगाव जालना रेल्वेमार्गाचा प्रश्न निकाली; राज्य सरकारकडून ५० टक्के हिस्सा मंजुर; बुलडाण्यात फटाके फुटले..

११४ वर्षांपासून प्रलंबित असलेल्या खामगाव जालना रेल्वेमार्गाची मागणी अनेक वर्षांपासून प्रलंबित होती. खा.प्रतापराव जाधव यांनी याबाबत अनेकदा सभागृहात मागणी लावून धरली होती. त्यानुसार सर्वेक्षण झाल्यानंतर केंद्राने केंद्राचा ५० टक्के हिस्सा जाहीर केला होता. राज्य सरकारने ५० टक्के हिस्सा जाहीर करावा यासाठी खा.प्रतापराव जाधव यांनी वारंवार मुख्यमंत्री शिंदे यांच्याकडे पाठपुरावा केला होता. काल खा. प्रतापराव जाधव यांच्या नेतृत्वात जिल्ह्यातील आमदारांनी मुख्यमंत्री शिंदे यांची भेट घेतली होती. दरम्यान आज अर्थसंकल्पीय भाषणात उपमुख्यमंत्री तथा अर्थमंत्री अजित पवार यांनी खामगाव जालना रेल्वेमार्गासाठी ५० टक्के वाटा जाहीर केला आहे.