आमदार संजय रायमुलकरांच्या विरोधातील उपोषण खा. प्रतापराव जाधवांनी सोडवले! साब्रा येथील ग्रामपंचायत सदस्य गजानन वानखेडे बसले होते उपोषणाला;

आमदार संजय रायमुलकर यांचे विधानसभा सदस्यत्व रद्द करावे. ज्या ४ गुंडांना मारहाण करण्यासाठी पाठवले त्या चौघांवर ॲट्रॉसिटी ॲक्ट नुसार गुन्हा दाखल करावा यासह विविध मागण्या वानखेडे यांनी केल्या होत्या. बौद्ध समाजावरील अत्याचार थांबले पाहिजेत असेही वानखेडे यांनी म्हटले होते. अखेर काल, खा.जाधव, बौद्ध धर्मगुरू भंते काश्यप ली आणि मेहकर पोलीस स्टेशनचे ठाणेदार शिंगोटे यांनी वानखेडे यांची समजूत काढत उपोषण सोडण्याची विनंती केली. त्यानुसार गजानन वानखेडे यांनी उपोषण सोडले, मात्र आमदार रायमुलकर यांच्याविरोधातील मागण्यांवर त्यांना काय आश्वासन मिळाले हे कळू शकले नाही..!