EXCLUSIVE पाना घरा घरात पोहचला, मशाल का नाही? अरविंद सावंतांनी बुलडाण्याच्या पदाधिकाऱ्यांना झाप झाप झापले; म्हणाले, तुम्ही दिशाभूल करून उमेदवारी मिळवली, माझ्याशी खोटे बोलले...

बुलडाणा(बुलडाणा लाइव्ह वृत्तसेवा): शिवसेनेचे विभागीय नेते अरविंद सावंत यांनी काल,१५ जुलै रोजी अकोल्यात घेतलेली पश्चिम विदर्भाची आढावा बैठक चांगलीच गाजली. बैठकीनंतर झालेल्या बंददाराआड चर्चेचे वृत्त आज दुपारी "बुलडाणा लाइव्ह" ने प्रकाशित करताच राजकीय वर्तुळात एकच खळबळ उडाली होती. आता त्याहीपेक्षा स्फोटक खबर "बुलडाणा लाइव्ह" कडे प्राप्त झाली आहे. बुलडाणा लोकसभा मतदारसंघाच्या निवडणुकीत झालेल्या पराभवावरून अरविंद सावंत यांनी बुलडाणा जिल्हा पातळीवरील पदाधिकाऱ्यांना चांगलेच खडे बोल सुनावले. "रविकांत तुपकर ५० हजार मतांच्या वर जाणार नाहीत असे तुम्ही मला सांगत होतात (यावेळी श्री. सावंत आमदार नितीन देशमुख, बुधवंत यांच्याकडे पहात होते) आता पराभव त्यांच्यामुळे झाल्याचे सांगता. मशाल चिन्ह नवे होते सांगता. अपक्ष पाना घरा घरात पोहचला मग मशाल का नाही? असा सवालच अरविंद सावंत यांनी बैठकीत उपस्थित पदाधिकाऱ्यांना केल्याची खात्रीशीर माहिती आहे. "शिवसैनिक हा खर बोलणारा असतो, तुम्ही शिवसैनिक म्हणून जगत असाल तर जो उमेदवार निवडूण येऊ शकतो त्याला तुम्ही पुढे करायला पाहिजे होते.​ तुम्ही मला खोटे बोललात असेही सावंत पदाधिकाऱ्यांना उद्देशून म्हणाले.