निवडणुका तोंडावर! खा.जाधवांच्या जवळच्या माणसाने साथ सोडली; शहर प्रमुखपदाचा आणि पक्षाचा राजीनामा

  विशेष म्हणजे नियुक्ती होऊन वर्षभराचा कालावधी होत नाही तोच विलास घोलप यांनी पदाचा राजीनामा दिला आहे. विलास घोलप हे खा.प्रतापराव जाधव यांचे विश्वासू म्हणून घोलप यांनी ओळख आहे. मात्र अचानक तडकाफडकी राजीनामा दिल्याने राजकीय वर्तुळात चर्चेला उधाण आले आहे. खा.प्रतापराव जाधव यांना राजीनामा पत्र लिहून तो स्वीकारण्याची विनंती घोलप यांनी केली आहे. दरम्यान बुलडाणा लाइव्ह ने यासंदर्भात विचारणा केली असता, कोणतीही नाराजी नाही, व्यक्तिगत कारणास्तव राजीनामा देत असल्याचे घोलप म्हणाले..