खा. प्रतापराव जाधव आणि अंबादास दानवे आमने - सामने येणारच होते पण..वाचा जिल्हाधिकारी कार्यालयात काय घडलं..!

विरोधी पक्षनेते दानवे खालच्या सभागृहात जिल्हाधिकाऱ्यांशी चर्चा करीत होते तर खा.जाधवांची वरच्या सभागृहात बैठक सुरू होती. शिंदे गटात गेलेले खा.जाधव आणि  विरोधी पक्षनेते आ. अंबादास दानवे जिल्हाधिकारी कार्यालयात असल्याने ते आमने सामने आलेच तर काय होईल, ते काय बोलतील, एकमेकांना अभिवादन करतील का याकडे साऱ्यांच्या नजरा लागून होत्या.

पोलिसांनी सुद्धा कधी नव्हे तेवढा तगडा पोलीस बंदोबस्त तैनात केला होता. मात्र अंबादास दानवे आले, जिल्हाधिकाऱ्यांना भेटले अन निघूनही गेले, मात्र ते जाईपर्यंत खा. जाधव काही खाली उतरलेच नाहीत.