गोडसेंवरील चित्रपट जिल्ह्यात प्रदर्शित होऊ देणार नाही काँग्रेस!; जिल्हाध्यक्ष बोंद्रेंचा इशारा

श्री. बोंद्रे म्हणाले, की छत्रपती शिवाजी महाराज, संभाजी महाराजांची भूमिका करणाऱ्या खासदार अमोल कोल्हे यांना नथुराम गोडसेच्या भूमिकेत पाहणे त्यांच्या चाहत्यांना देखील आवडणारे नाही. एका खुन्याच्या उदात्तीकरणाच्या प्रयत्नाचा सर्वांनीच निषेध करायला हवा. नथुराम गोडसेला नायक बनवण्याचा हा प्रयत्न चुकीचा पायंडा पाडणारा आहे. कुणीही गांधी हत्येचे समर्थन करू शकत नाही, असे बोंद्रे म्‍हणाले आहेत. गांधींचे विचार जगातील मानवजातीला चिरंतन प्रेरणा देणारे असून, त्‍यांनी देशासाठी दिलेले बलिदान जनता विसरलेली नाही व विसरणारही नाही, असेही बोंद्रे म्‍हणाल्याचे काँग्रेसच्या सोशल मीडिया सेलचे जिल्हाध्यक्ष श्लोकानंद डांगे यांनी कळविले आहे.