महिलांच्या सक्षमीकरणासाठी वचनबद्ध ! संदीप शेळकेंचे प्रतिपादन! वन बुलडाणा मिशनच्या कार्यालयात साधला संवाद

राजर्षी शाहू परिवार गेल्या २२ वर्षांपासून सामाजिक बांधिलकी जोपासत आहे. धनिकच्या माध्यमातून आपण ४० हजार महिलांना २०० कोटी रुपयांचे आर्थिक सहाय्य केले आहे. यामाध्यमातून महिला सक्षमीकरणासाठी एक पाऊल पुढे टाकले आहे. कुठलेही राजकीय पद, सत्ता नसतांना वन बुलडाणा मिशन जिल्हावासियांच्या सुख -दु:खात, मदतीसाठी नेहमीच अग्रस्थानी असते. राष्ट्रमाता माँ जिजाऊंच्या या पुण्यभूमीत स्वातंत्र्याच्या ७५ वर्षानंतरही महिलांच्या समस्या शासन सोडवू शकले नाही, ही एक शोकांतिकाच म्हणावी लागेल. महिलांच्या समस्या सोडवण्यासाठी आपण कटिबद्ध असल्याची ग्वाही यावेळी संदीप शेळके यांनी दिली.