BREAKING काँग्रेस जिल्हाध्यक्षासह ११ जणांवर गुन्हे दाखल! आचारसंहितेत आंदोलन केल्यामुळे कारवाई

एन लोकसभा निवडणुकीच्या तोंडावर भारतीय राष्ट्रीय काँग्रेस पक्षाची बँक खाते गोठवून त्यामधील रक्कम वळती करण्यात आली . सोबतच काँग्रेस पक्षाला १८०० कोटी रुपयांचा दंड आकारण्यात आला. याचा निषेध करण्यासाठी काल रविवारी ३१ मार्चला बुलढाण्यातील जयस्तंभ चौकात काँग्रेसचे जिल्हाध्यक्ष राहुल बोंद्रे यांच्या नेतृत्वात घोषणाबाजी व निदर्शने करण्यात आली होती. बुलढाणा शहर पोलिसांनी याची दखल घेत कारवाई केली. निवडणूक आचारसंहिता काळात जमाव जमवून आंदोलन केल्याप्रकरणी काँग्रेस जिल्हाध्यक्ष राहुल बोंद्रे यांच्यासह ११ जणांवर कलम १८८ व १३५नुसार गुन्हे दाखल केले आहे. यामुळे राजकीय क्षेत्रात खळबळ उडाली आहे.