BULDANA LIVE EXCLUSIVE हर्षवर्धन सपकाळ म्हणतात ते "मैत्रीपूर्ण लढत" म्हणजे काय रे भाऊ? त्याचे परिणाम काय होतात...

 "बुलडाणा लाइव्ह'

      म्हणते,'मै हुं ना....

  होय, वाचकांच्या अन राजकारण्यांच्याही सर्व प्रश्नांची उत्तरे बुलडाणा लाइव्ह कडे नक्कीच हाय! तर, एकाच घरातील २ जुळे भाऊ, भाऊ बहीण लैच हुशार, म्हणजे मराठीत सांगायचं म्हणजे मेरिट च जणू! जुळे असल्याने दोघबी एकाच वर्गात राहणार हे उघड. मग वर्गात दोन पैकी एक पहिला येणार..मग बंटी दादा सारखी हुशार आई(घरात तर आईच किंवा बाईच हुशार असती ना बाबानो) मग दोघांना मैत्रीपूर्ण लढत चा सल्ला देते.आपसात वाद नको, कुणिबी पैला आला तर घरातच मान पान राहील ना? असा सल्ला ती देते. आता दुसरं उदाहरण म्हणजे एखादा मोठा वाडा असला अन् भावांच पटते पण त्यांच्या बायकांचे पटत नाही. मग घरातला 'दादा' म्हणतो, वाडा अर्धा अर्धा वाटून घेऊ, किचन वेगळं पण गुपचूप गुपचूप वेगळं रहायचं,बाहेर भणक लागू द्यायची नाय, बाहेर हम साथ साथ है अन अंदर हम अलग अलग है! तर ही वाटणी झाली मैत्रीपूर्ण ! 

   

आता राजकीय उदाहरण पाहू म्हणजे एखाद्या जागेवरून (उदाहरणार्थ सांगली किंवा बुलडाणा) दोन किंवा तीन पक्षाचे पटलच नाही तर मग दोघानी एकमेका विरुद्ध लढायचं, वर आघाडी कायम राहील अन खाली दुष्मनी! मग दोघे खापी गेले आणि दुष्मन निवडून आला तरी बी चालेल, पण मैत्रीपूर्ण लढत द्यायचीच.. म्हणजे नवरा मेला तर चालेल, पण सवत रंडकी झालीच पायजेल हा बाणा! तर अलीकडे तर नाही पण मागील काळात एकदोन अश्या मैत्रीपूर्ण लढती झाल्या आहेत. त्याचे परिणाम सवत रंडकी होण्यातच झाले. बुलडाण्यात १९५७ पासून आजवर असे झालेले नाय, बरका.....