मुंबईत बुलडाणा जिल्हा काँग्रेसची बैठक चांगलीच रंगली! जिल्ह्यात काँगसचीच ताकद, त्यामुळे लोकसभेवर काँग्रेसचाच हक्क; जिल्हा काँग्रेसच्या नेत्यांची वरिष्ठांकडे एकमुखी मागणी ;

प्रदेश काँग्रेसचे अध्यक्ष नाना पटोले, माजी मुख्यमंत्री अशोकराव चव्हाण, पृथ्वीराज चव्हाण, बाळासाहेब थोरात या नेत्यांनी जिल्ह्यातील पदाधिकाऱ्यांची मते जाणून घेतली. जिल्हा काँग्रेसचे अध्यक्ष राहुल बोंद्रे,  विधानपरिषद सदस्य धिरज लिंगाडे, माजी आमदार हर्षवर्धन सपकाळ, श्याम उमाळकर, जयश्री शेळके,स्वाती वाकेकर, अनंता वानखेडे, दिलीप जाधव, लक्ष्मणराव घुमरे, सुनील सपकाळ, सतीश महेंद्र या बैठकीला उपस्थित होते. 
     
जिल्ह्यात काँग्रेसच मजबूत..!

सध्या काँग्रेस महाविकास आघाडीत आहे. महाविकास आघाडीतील इतर घटकपक्षांपेक्षा काँग्रेसची ताकद अधिक आहे. मागील २५ वर्षांचा काळ सोडला तर बुलडाणा लोकसभा मतदारसंघावर अधिक काळ काँग्रेसचाच खासदार राहिला आहे. बुलडाणा लोकसभा मतदारसंघाच्या २५० किलोमिटरच्या परिघात काँग्रेसचेच वर्चस्व आहे. मागील तिन्ही निवडणुका राष्ट्रवादी काँग्रेसने लढवल्या मात्र राष्ट्रवादीला विजय मिळवता आला नाही, त्यामुळे आपण आपल्या हक्काचा मतदारसंघ आपल्याकडे घ्या अशी मुद्दे जिल्हा काँगसच्या पदाधिकाऱ्यांनी प्रदेश पदाधिकाऱ्यांच्या निदर्शनास आणून दिले. काँग्रेसकडे विजय मिळवून देणारे उमेदवार आहेत याकडे जिल्हा पदाधिकाऱ्यांनी लक्ष वेधले.