BREAKING तुपकरांची तब्येत अत्यावस्थ; साखरेची पातळी कमालीची घसरली; तुपकरांना हाइपोग्लाइसीमिया? डॉक्टर म्हणाले, कोमात जाऊ शकतात;

मुंबईला निघालेल्या तुपकर यांच्यासोबत प्रशासनाने एक वैद्यकीय पथक पाठवले आहे. या पथकाने भोकरदन मध्ये तुपकरांची तपासणी केली, त्यावेळी तुपकर यांची तब्येत प्रचंड खालावली असल्याचे दिसून आले. तुपकर यांच्या शरीरातील साखरेची पातळी ५१ पर्यंत खाली आली आहे. साखरेची पातळी ५० पर्यंत खाली येणे अतिशय धोक्याचे मानले जाते. यामुळे तुपकर यांना हाइपोग्लाइसीमिया होण्याची भीती आहे. अति अशक्तपणा, चक्कर येणे, घाम फुटणे, डोळ्यासमोर अंधार येणे, थरथरणे , मेंदूला रक्तपुरवठा न झाल्याने तुपकर कोमात जाऊ शकतात असे वैद्यकीय तज्ञांनी बुलडाणा लाइव्ह शी बोलतांना सांगितले. तुपकर यांना सध्या तातडीच्या उपचाराची गरज आहे.मात्र तुपकर यांनी वैद्यकीय उपचार घ्यायला नकार दिला आहे. मंत्रालयात बैठक होऊन मागण्या संदर्भात ठोस निर्णय होत नाहीत तोपर्यंत अन्नत्याग सुरूच ठेवण्याचा निर्धार तुपकर यांनी केला आहे.