BREAKING आमदार गायकवाडांची तलवार म्यान! महायुतीच्या संवाद मेळाव्यात आ.संजय गायकवाडांनी सांगितले अर्ज भरण्याचे कारण..! खा.जाधवांना चौथ्यांदा विजयी करण्याचे आवाहन

बुलडाणा(बुलडाणा लाइव्ह वृत्तसेवा): काल दुपारी आमदार संजय गायकवाड यांनी उमेदवारी अर्ज भरला होता. सायंकाळी खा.प्रतापराव जाधव यांना महायुतीची उमेदवारी जाहीर झाली होती. आज सकाळी देखील आमदार संजय गायकवाड यांनी लढण्यावर ठाम असल्याचे सांगितले होते. मात्र थोड्या वेळापूर्वी बुलडाणा शहरातील धाड नाक्यावर ओंकार लॉन्सवर होत असलेल्या महायुतीच्या संवाद मेळाव्यात आ. संजय गायकवाड यांनी त्यांची भूमिका स्पष्ट केली. मी काल दुपारी अर्ज भरला म्हणून खा.प्रतापराव जाधव यांना उमेदवारी जाहीर झाली असे आ. गायकवाड म्हणाले..