पिंपळगाव राजात क्रांतिदिनानिमित्त रक्तदान शिबिराला उत्स्फूर्त प्रतिसाद! वन बुलडाणा मिशनचे आयोजन; संदीप शेळके म्हणाले,

तालुक्यातील पिंपळगाव राजा येथील स्व. हसनराव देशमुख सभागृहात क्रांतिदिनानिमित्त ९ ऑगस्ट रोजी आयोजित रक्तदान शिबिर, युवक मेळावा आणि महिला बचतगटांना कर्जवाटप कार्यक्रमात ते बोलत होते. क्रांतिकारकांनी केलेल्या बलिदानातून देशाला स्वराज्य मिळाले. आता स्वराज्याचे सुराज्यात निर्माण करण्यासाठी युवापिढीने धडपड केली पाहिजे. देशात रक्ताचा मोठ्या प्रमाणात तुटवडा आहे, अनेक रुग्णांना वेळेवर रक्त उपलब्ध होत नाही. त्यामुळे रक्तदानाची नितांत गरज आहे, रक्तदान ही लोकचळवळ झाली पाहिजे असेही संदीप शेळके म्हणाले.

 यावेळी सरपंच शेख शाकिर शेख चांद, सुनील राजपूत, अल्पसंख्याक मुस्लिम न्याय हक्क समितीचे जिल्हाध्यक्ष जुलरूर शेख शेख चांद, विठ्ठल देशमुख, नारायण गावंडे, आवेद खान, वसंत तेलंग, प्रा. निसार अख्तर, डॉ. आर. के. राजपूत, अमोल राजपूत, चरण राजपूत, कोमल राजपूत, विशाल राजपूत यांच्यासह मान्यवर उपस्थित होते. 

प्रारंभी महामानवांच्या प्रतिमेचे मान्यवरांच्या हस्ते पूजन करण्यात आले. रक्तदान शिबिरात ३० जणांनी रक्तदान करुन उत्स्फूर्त सहभाग नोंदवला. महिला बचतगटांच्या ३० महिलांना १२ लाख रुपयांचे अर्थसहाय्य करण्यात आले. संदीप शेळके यांच्या हस्ते महिलांना धनादेश वितरण करण्यात आले. संचलन पृथ्वीराज राजपूत यांनी तर आभार सुनील राजपूत यांनी मानले.