मोठी बातमी ! विजयराज शिंदे आणि भाजप प्रदेशाध्यक्ष चंद्रशेखर बावनकुळे यांच्यातील बैठक आटोपली; विजयराज शिंदेंनी घेतला "हा" निर्णय...

 यावेळी विजयराज शिंदे यांनी तक्रारींचा पाढा वाचला. याशिवाय गुलाबराव पाटील, आ.संजय गायकवाड यांच्याही विधानांची माहिती शिंदे यांनी बावनकुळेंना दिली. आपल्याला विश्वासात घेतले जात नसल्याची तक्रार करीत बुलडाणा लोकसभा मतदारसंघात भाजपची ताकद जास्त आहे,३ आमदार आहे. भाजपच्या पाठिंब्यावर मैत्रीपूर्ण लढतीची परवानगी द्यावी अशी विनंती देखील शिंदेंनी बावनकुळे यांच्याकडे केली. मात्र बावनकुळे यांनी युतीधर्म महत्वाचा असून तुमच्या ज्यांच्याबद्दल तक्रारी आहेत त्यांना समज देऊ असा शब्द दिला. तब्बल १ तास ही बैठक चालली. या बैठकीतूनच प्रदेशाध्यक्ष चंद्रशेखर बावनकुळे यांनी फोनवरून मुख्यमंत्री एकनाथ शिंदे , उपमुख्यमंत्री देवेंद्र फडणवीस यांच्या कानावर शिंदे यांचे म्हणणे सांगितले. उपमुख्यमंत्री देवेंद्र फडणवीस यांच्याशीही शिंदे यांची फोनवरून चर्चा झाली. दरम्यान या संदर्भात उद्या बुलडाण्यात कार्यकर्त्यांशी चर्चा करून अंतिम निर्णय घेऊ असे विजयराज शिंदे यांनी बुलडाणा लाइव्हशी बोलताना सांगितले.