मोठी बातमी! सोयाबीन कापूस उत्पादक शेतकऱ्यांच्या आंदोलनाचे केंद्र आता सोमठाणा; रविकांत तुपकरांची न्यायालयाने केली सुटका;

आज दुपारी रविकांत तुपकर यांच्या घरी पोलीस दाखल झाले त्यावेळी तुपकर यांच्या फेसबुक पेजवर लाइव्ह दाखवण्यात येत होते. चिखली तालुक्यातील सोमठाणा गावातून तुपकरांना विद्या वाघमारे यांनी फोन करीत तुमच्या अटकेच्या निषेधार्थ आपण दोन मुलांसह आत्महत्या करीत असल्याचे सांगितले,त्यावेळी तुपकर यांनी विद्या वाघमारे यांची समजूत काढली. दरम्यान न्यायालयाने सुटका केल्यानंतर तुपकर आता सोमठाणा गावात पोहचून विद्या वाघमारे यांची भेट घेणार आहेत. सोयाबीन कापसाच्या प्रश्नासाठी आज रात्रीपासून रविकांत तुपकर सोमठाणा गावात अन्नत्याग आंदोलन सुरू करणार आहेत. उद्यापासून संपूर्ण महाराष्ट्रात आंदोलन सुरू होईल असे रविकांत तुपकर म्हणाले...