मुख्यमंत्र्यांच्या निवासस्थानी "रात्रीस खेळ चाले"! शिवसेनेचे सगळे खासदार पोहचले..पण, खासदार प्रतापराव जाधव गैरहजर..! वाचा काय आहे कारण..

खासदार प्रतापराव जाधव ६ दिवसांसाठी तीन राज्यांच्या शासकीय दौऱ्यावर आहेत. केंद्रीय माहिती व तंत्रज्ञान समितीचे अध्यक्ष असलेले खा.जाधव समितीच्या बैठकांसाठी पश्चिम बंगाल, आसाम आणि मेघालय या ३ राज्यांच्या  दौऱ्यावर आहेत. काल,२४ मे रोजी ते कोलकात्ता येथे होते आजही कोलकत्ता येथेच आहेत. उद्या आणि परवा ते आसामच्या गुवाहाटीला जाणार आहेत त्यानंतर मेघालयातील शिलाँग येथे ते जाणार असल्याचे त्यांनी "बुलडाणा लाइव्ह" शी बोलताना सांगितले. खासदारांच्या बैठकीचा निरोप आपल्याला होता मात्र बैठकीला हजर राहता येणार नसल्याचे आपण कळवले होते, तशी परवानगी देखील घेतल्याचे त्यांनी सांगितले.