कृषीमंत्री अब्दुल सत्तार खामगावात! नुकसानग्रस्त शेतकऱ्यांच्या बांधावर जाऊन केली पाहणी; अधिकाऱ्यांना म्हणाले...

खामगाव तालुक्यातील चितोडा(अंबिकापूर) येथील शेतकऱ्यांच्या बांधावर जाऊन कृषी मंत्री अब्दुल सत्तार यांनी पाहणी केली. खासदार प्रतापराव जाधव यावेळी त्यांच्यासोबत होते. काल रात्री झालेल्या वादळी पावसाने कांद्याच्या पिकासह गहू मका भाजीपाला व आंब्याचे मोठे नुकसान झाले. तातडीने पंचनामे करा, लवकरात लवकर अहवाल वरिष्ठ कार्यालयात सादर करा असे आदेश यावेळी सत्तार यांनी कृषी विभागाच्या अधिकाऱ्यांना दिले. राज्य सरकार शेतकऱ्यांचे सरकार आहे, नुकसानग्रस्त शेतकऱ्यांना तातडीने मदत देण्यात येईल असा शब्द यावेळी मंत्री सत्तार यांनी दिला.