मेहकरात शिवसेना खासदारांच्या स्वागताला जिल्हाप्रमुखच गैरहजर! चर्चांना उधाण..! बुलडाणा लाइव्हशी बोलतांना म्हणाले..

मेहकर येथे पार पडलेल्या कार्यक्रमात खासदार जाधवांनी शिंदेगटात सामील होण्याच्या कारणांचा पाढा वाचला. आपण शिवसेनेतून बाहेर पडलेलो नाही. हिंदुत्वासाठी भाजपसोबत नैसर्गिक युती केल्याचे खासदार जाधवांनी कार्यकर्त्यांना सांगितले. मात्र जिल्हाप्रमुख बळीराम मापारी दिसत नसल्याने कार्यकर्त्यांमध्ये वेगवेगळी चर्चा सुरू होती. दरम्यान बुलडाणा लाइव्हने बळीराम मापारी यांच्याशी संपर्क साधला असता आपण देवदर्शनासाठी तुळजापूर ला असल्याचे त्यांनी सांगितले. लवकरच आपली भूमिका स्पष्ट करणार असल्याचेही ते म्हणाले.