"या" कामात खासदार जाधव डॉ. राजेंद्र शिंगणेच्या तुलनेत मागेच! चिखलीच्या आमदार श्वेताताई जिल्ह्यात अव्वल..!!
राजकारणात यशस्वी होण्यासाठी आणि कार्यकर्त्यांपर्यंत पोहचण्यासाठी राजकीय नेते आता सोशल मीडियाचा सुद्धा आधार घेत असतात. केलेल्या कामांची माहिती नेत्यांच्या सोशल मीडिया खात्यावर प्रसिद्ध केल्या जाते. नवीन तंत्रज्ञानाशी जुळवून घेणारे टेक्नोसेव्ही नेते यात आघाडीवर असतात तर ज्या नेत्यांना हे जमत नाही त्यासाठी खास लोकांची नियुक्ती नेत्यांकडून केल्या जाते.
सध्या जिल्ह्यातील ७ आमदार आणि १ खासदार यांच्यापैकी सोशल मीडियावर लोकप्रियतेच्या बाबतीत सर्वाधिक पुढे आहेत चिखलीच्या आमदार श्र्वेताताई महाले पाटील. आ.महाले यांचे फेसबुकवर तब्बल १ लाख ३० हजार फॉलोवर्स आहेत. विशेष म्हणजे जिल्ह्यात इतर लोकप्रतिनिधी मात्र ५० हजारापर्यंत सुद्धा पोहचू शकले नाहीत. विशेष म्हणजे श्र्वेताताई ट्विटर आणि इंस्टाग्रामवर सुद्धा सक्रिय असून तिथेही फॉलोवर्सची संख्या जिल्ह्यातील इतर लोकप्रतिनिधीपेक्षा जास्त आहे.
त्यानंतर दुसऱ्या क्रमांकावर खामगावचे आमदार आकाश फुंडकर यांचा क्रमांक लागतो. त्यांचे ३६ हजार फॉलोवर्स आहेत. तिसऱ्या क्रमांकावर माजी मंत्री तथा आमदार डॉ राजेंद्र शिंगणे आहेत त्यांचे ३५ हजार फॉलोवर्स आहेत. डॉ. संजय कुटे यांचे ३० हजार फॉलोवर्स आहेत, यानंतर क्रमांक लागतो खा. प्रतापराव जाधवांचा, त्यांचे २४ हजार फॉलोवर्स आहेत. आमदार संजय गायकवाड यांचे २३ हजार , आमदार संजय रायमुलकर यांचे १७ हजार तर या यादीत तळाच्या ठिकाणी असलेले आ.राजेश एकडे यांचे १२ हजार फॉलोवर्स आहेत.