आ.संजय गायकवाड आणि योगेंद्र गोडे बुलडाणा नगरपालिकेवर भगवा फडकविण्याच्या तयारीत! झाले गेले विसरून दोन्ही नेते एकत्र..! विरोधक कन्फ्युज

प्रचंड आक्रमक अशी इमेज असलेले आ. गायकवाड आणि शांत, संयमी व कुशल संघटक अशी ओळख असलेले योगेंद्र गोडे हे दोन्ही नेते आता अनेकदा एकत्र दिसणार आहेत. यापुढील सर्वच निवडणुका भाजपला सोबत घेऊन लढवायचे ठरल्याचे आ. गायकवाड यांनी पत्रकार परिषदेत जाहीर केले. त्यामुळे बुलडाणा नगरपालिका, जिल्हा परिषद आणि पंचायत समिती निवडणुका दोन्ही नेत्यांच्या नेतृत्वात होणार आहेत.

गेल्या अडीच वर्षात झाले गेले सगळे विसरून दोन्ही नेते आता नगरपालिका आणि स्थानिक स्वराज्य संस्थांच्या निवडणुकांची रणनीती आखणार आहेत. त्यामुळे स्थानिक पातळीवर आ. गायकवाड आणि योगेंद्र गोडे यांचे विरोधक आता चांगलेच कन्फ्युज झाले आहेत. विशेष म्हणजे माजी आमदार  आणि  सध्या भाजपात असलेले विजयराज शिंदे आणि आ. गायकवाड यांचा आपसातील टोकाचा विरोध बघता शिंदे यांना नव्या परिस्थितीशी जुळवून घेता येईल का असा प्रश्न अनेकांना पडलाय..अर्थात येणाऱ्या काळात या प्रश्नांचे उत्तर मिळणार आहेच..!