बर्थडे आहे भावाचा,जल्लोष सारा कृषी विभागाचा! कृषी मंत्री अब्दुल सत्तारांच्या वाढदिवसाची हौस लय मोठी; कृषी विभागाच्या कर्मचाऱ्यांना आदेश! दोन - तीन गाड्या भरून माणसं घेऊन या म्हणे
सिल्लोड मध्ये राज्यस्तरीय कृषी प्रदर्शन होणार आहे. अर्थात कृषी मंत्री अब्दुल सत्तार यांच्या वाढदिवसाचा योग साधूनच उद्या,१ जानेवारीला या कृषी प्रदर्शनाचे उद्घाटन होणार आहे. मात्र या कार्यक्रमाला गर्दी जमविण्याची जबाबदारी कृषी विभागाच्या अधिकाऱ्यांना देण्यात आल्याचे विश्वसनीय सूत्रांनी सांगितले.
जिल्ह्याच्या अधिकाऱ्यांकडून तालुक्याच्या अधिकाऱ्यांना तशा तोंडी सूचना देण्यात आल्या आहेत. तर तालुका कृषी अधिकाऱ्यांनी कृषी सेवक, कृषी सहाय्यक यांना आपापल्या कार्यक्षेत्रातून दोन - तीन गाड्या भरून माणसे सिल्लोडला नेण्याच्या सूचना दिल्या आहेत. गाड्यांचे नंबर आणि चालकांची नावे सिल्लोडच्या सायबांना कळविण्यात येतील, ते गाडी भाड्याची व्यवस्था करतील असेही सांगण्यात आले आहे. आता तुम्ही सांगा वाचकहो, नेत्याच्या वाढदिवसाला, शासकीय कर्मचाऱ्यांना हे असं राबून घेणं बरोबर हाय का? बरं असो... अब्दुलभाई, आमच्याकडून हॅप्पी बर्थडे....!! तेवढं "ते" पाहून घ्या...!!