सोयाबीन-कापूस उत्पादकांच्या विरोधात सरकार कोणतीही निर्णय घेणार नाही; केंद्रीय वाणिज्य मंत्री पीयुष गोयलांचा रविकांत तुपकरांना शब्द! दिल्लीतील भेटीत पियूष गोयल आणि तूपकरांत चर्चा

आता केंद्र सरकार संबंधित मागण्यांसाठी त्यांनी दिल्ली गाठत केंद्रीय वाणिज्य मंत्री पियुष  गोयल यांच्याशी चर्चा केली. या बैठकीत तुपकरांनी सोयाबीन-कापसाला खाजगी बाजारात चांगला स्थिर दर मिळावा, यासाठी केंद्र सरकारने आयात निर्यात धोरणात बदल करावे. यामध्ये सोयापेंड व सूत निर्यातीला प्रोत्साहन द्यावे, सोयापेंड आयात करणार नाही हे केंद्र सरकारने स्पष्ट जाहीर करावे, यावर्षी १५ लाख मेट्रिक टन सोयापेंड निर्यात करावी, जीएम सोयाबीनच्या लागवडीस परवानगी देण्यात यावी, सोयाबीन वरील ६ टक्के जी एसटी रद्द करावा, खाद्य तेलावरील (पाम तेल, रिफाईंड,सोयाबीन व सूर्यफूल तेल) आयत शुल्क ३० टक्के करावे व कापसाचे आयत शुल्क तांत्रिक दृष्ट्या ११ टक्के झाले आहे, ते नियमित लागू करावे, या मागण्या मांडल्या.

यावेळी केंद्र सरकार या बाबतीत सकारात्मक विचार करेल व सोयाबीन-कापूस उत्पादक शेतकऱ्यांच्या विरोधात कोणताही निर्णय घेणार नाही, असे आश्वासन ना.पियुष गोयल यांनी रविकांत तुपकरांना दिले.