जिल्हा काँग्रेसचे बॉस मुकुल वासनिक आज मेहकरात; भारत जोडो यात्रेआधी गटबाजी करणाऱ्या नेत्यांना जोडण्याची गरज; मेहकर शहरात कासम गवळी इकडे तर उमाळकर तिकडे...

       ( जाहिरात👆🏻 )

 मेहकर तालुक्यात तालुकाध्यक्ष देवानंद पवार झपाट्याने काँग्रेस वाढवीत आहेत. शहरात माजी नगराध्यक्ष कासम गवळी यांनी काँग्रेस जिवंत ठेवली. मात्र स्वतःला प्रदेश पातळीवरील नेते म्हणुवून घेणाऱ्या  श्याम उमाळकरांचे आणि कासम गवळी यांचे काही पटत नाही.त्याची काय कारणे आहेत हे त्या दोघांनाच माहीत. मात्र आपण प्रदेश पातळीवरील नेते असल्याने आपल्याला शहर काँग्रेसमध्ये योग्य तो सन्मान मिळाला पाहिजे अशी अपेक्षा उमाळकरांची असते म्हणे..आता तुम्ही सांगा सन्मान हा काय मागून मिळवायची गोष्ट असते का. त्यातही उमाळकरांकडे पक्षाचे पद नाही अशी स्थिती गेल्या कित्येक वर्षांपासून नाही. सातत्याने पदाला चिकटून असणाऱ्या उमाळकरांचे काँग्रेस वाढवण्यासाठीचे योगदान काय असे अनेक प्रश्न एक गट सातत्याने उपस्थित करीत असतो. 

  या दोन्ही नेत्यांच्या आपसातील मतभेदांमुळे काँग्रेसच्या कार्यकर्त्यांत सुद्धा दुफळी निर्माण झाली आहे. त्यामुळे राहुल गांधी प्रचंड मेहनतीने भारत जोडो यात्रा करीत असताना मेहकरातील तुटलेली काँग्रेस जोडण्याचे आव्हान आता वासनिकांना पेलवावे लागणार आहे. अर्थात वासनिकांची पक्षासाठी वाहून घेतलेली कार्यशैली पाहता "ये तो उनके लिये बाए हाथ का खेल है" असे म्हटले तर वावगे ठरणार नाही.