सिंदखेडाजा तालुक्यात कोसळधार! शेडनेटचे नुकसान! शेतकऱ्यांना धीर देण्यासाठी अधिकाऱ्यांना घेऊन आ. डॉ.राजेंद्र शिंगणे पोहचले बांधावर

सिंदखेडराजा तालुक्यातील नशिराबाद येथील ३० शेतकऱ्यांच्या आठ ते दहा एकरातील शेडनेटचे कालच्या वादळी वाऱ्यामुळे मोठे नुकसान झाले. शेडनेट फाटल्याने त्यातील पिकांचे सुद्धा नुकसान झाले तर काही ठिकाणी शेडनेटचे लोखंडे पाईप वाकले आहेत. या बाबतची माहिती मिळताच माजी मंत्री तथा सिंदखेडाजा मतदारसंघाचे कर्तव्यदक्ष आमदार डॉ. राजेंद्र शिंगणे अधिकाऱ्यांना घेऊन नशिराबाद येथे पोहचले.

शेतकऱ्यांच्या शेतात जाऊन त्यांनी नुकसान ग्रस्त शेतकऱ्यांना धीर दिला. नुकसानीचे तातडीने पंचनामे करून अहवाल पाठविण्याच्या सूचना त्यांनी अधिकाऱ्यांना केल्या. यावेळी तहसीलदार सुनील सावंत, तालुका कृषी अधिकारी वसंत राठोड, महसूल विभागाचे अधिकारी तलाठी, ग्रामसेवक यांची उपस्थिती होती.