Big Breaking जिल्हा परिषद प्रभाग रचनांचा प्रस्ताव आयुक्तांना सादर ! पंचायत समिती गणाचाही समावेश ; ३१ मे पर्यंत अंतिम निर्णय

बुलडाणा जिल्हा परिषदेच्या ६८ आणि १३ पंचायत समित्यांच्या  १३६ गणाची प्रभाग रचना यापूर्वीच करण्यात आली होती.  या रचनाची जिल्हा कचेरीतील निवडणूक विभागात  काटेकोरपणे पडताळणी व तपासणी करण्यात आली. जिल्हाधिकारी यांच्या वतीने अधिकारी व कर्मचाऱ्यांच्या पथकाने हा प्रस्ताव आज ,२३  मे रोजी दुपारी उशिरा  विभागीय आयुक्त पियुष सिंह यांच्याकडे मान्यतेसाठी सादर केला. 

२ पासून सादर करता येईल हरकती

दरम्यान ३१ मे पर्यंत आयुक्त याला मान्यता देणार असून २ जूनला जिल्हाधिकारी रचना  प्रसिद्ध करणार आहे. या रचनावर जिल्हाधिकारी यांच्याकडे २ ते ८ जून दरम्यान हरकती व सूचना सादर करता येतील.  सुनावणी अंती  विभागीय आयुक्त  जिल्हापरिषद गट आणि पंचायत समिती गण २२ जून पर्यंत अंतिम करतील. २७ ला अंतिम प्रभाग रचना राजपात्रात प्रसिद्ध करण्यात येईल.