बिग ब्रेकिंग! जिल्हा परिषद प्रभाग रचनावर आयुक्तांकडे सुनावणी !! स्थळ अंबा नगरी; मुहूर्त शुक्रवारचा

जिल्हा परिषदेच्या ६८ गट तर १३ पंचायत समित्यांच्या गणाच्या प्रारूप प्रभाग रचना २ जून रोजी प्रसिद्ध करण्यात येऊन त्यावर हरकती मागविण्यात आल्या. ८ जून या अंतिम मुदतीत तब्बल ५७ हरकतींचा जिल्हाधिकारी यांच्याकडे खच पडला!

दरम्यान या ५७ हरकतींवर प्रभारी  विभागीय आयुक्त  सुनावणी घेणार आहे. २२ जूनपर्यंत जीप गट व पंस गण अंतिम होणार आहे. २७ जून पर्यंत  हे मतदारसंघ शासन राजपत्रात प्रसिद्ध करण्याचे नियोजन आहे. यामुळे हरकती घेणाऱ्या गाव पुढाऱ्यासह शेकडो भावी जिल्हा परिषद व पंचायत समिती सदस्यांसह हजारो कार्यकर्त्यांचे या सुनावणी कडे लक्ष लागले आहे. किती हरकती स्वीकारल्या जातात, किती फेटाळण्यात येतात हा व्यापक राजकीय उत्सुकतेचा विषय ठरला आहे.