गर्दी जमवण्यासाठी सगळी फेकाफेकी; भारत जोडो यात्रेच्या शेगावच्या सभेत उद्धव ठाकरे , शरद पवार येणार असल्याची अफवाच! मात्र दोघेही येणार नाहीत..

भारत जोडो यात्रेला इतर जिल्ह्यात, राज्यात उदंड प्रतिसाद मिळाला. राहुल गांधींच्या पदयात्रेत लोक उस्फुर्तपणे सहभागी झाले. मात्र बुलडाणा जिल्ह्यात नेत्यांची अंतर्गत गटबाजी,समन्वयाचा अभाव, एकमेकांवरील अविश्वास यामुळे यात्रेचा पचका उडण्याची शक्यता निर्माण झाली आहे. गर्दी जमवण्यासाठी अक्षरशः भाड्याने माणसे आणण्यात येत आहे. गाडी भाड्याची व्यवस्था सुद्धा करण्यात आली असून तुम्ही फक्त गाड्या आणा असे फर्मान सोडण्यात आले आहे.  

दरम्यान काँग्रेसच्या काही नेत्यांनी तर या सभेला शरद पवार ,उद्धव ठाकरे येणार असल्याचे सांगितले. तशा बातम्या पेरण्यात आल्या. विविध व्हाट्सअप ग्रुप वर तसेच मॅसेज फिरवण्यात आले.मात्र ही सगळी फेकाफेकी असल्याचे समोर आले आहे. राष्ट्रवादी काँग्रेस आणि शिवसैनिकांची गर्दी जमवण्यासाठी ही सगळी फेकाफेकी सुरू  असल्याचे कळते.