हिंदू असल्याचे भासवून मुस्लिम तरुणाचा ७ वर्षे लैंगिक अत्याचार

सूत्रांच्या माहितीनुसार, नूर मोहम्मद या ट्रकचालकाने स्वतःचे नाव लाला बाबू असल्याचे तरुणीला सांगितले होते. भेटीगाठीतून पीडित तरुणी त्याच्या प्रेमात पडली. लग्नाचे आमिष दाखवून त्याने तरुणीशी शारीरिक संबंध ठेवले. तरुणी गर्भवती राहिल्याने लाला बाबूने तिला हकुलगंज भागात स्वतःसोबत ठेवले. तिचा छळ करून तिला माहेरावरून २ लाख रुपये आणायला भाग पाडले. सप्टेंबर २०१५ मध्ये तरुणीने एका मुलाला जन्म दिला.

मात्र तोपर्यंत दोघांनी लग्न केले नव्हते. तिने लग्नाची मागणी केल्यानंतर हा लाला बाबू नसून नूर मोहम्मद असल्याचे तिला कळले तेव्हा तिला धक्काच बसला. नूर मोहम्मदने लग्नाला नकार दिला असून, आता त्याचे दुसऱ्या महिलेशी संबंध आहेत, असे पीडितेने तक्रारीत म्हटले आहे. मला आणि माझ्या मुलाला जिवाने मारण्याची तो धमकी देत आहे. जातीवाचक शिविगाळ करत आहे, असे पीडितेने तक्रारीत म्हटले आहे. तिच्या तक्रारीवरून शिवपूर पोलीस ठाण्यात नूर मोहम्मदविरुद्ध पोलिसांनी गुन्हा दाखल केला आहे.