नापीकिला कंटाळून युवा शेतकऱ्याची आत्महत्या! विष पिऊन स्वतःला संपवले; अंढेरा येथील घटना

  ज्ञानेश्वर यांनी २० मे रोजी स्वतःच्या शेतात विषप्राशन केले. ही बाब कुटुंबियांच्या लक्षात येताच त्यांना अत्यवस्थ अवस्थेत बुलडाणा येथील जिल्हा सामान्य रुग्णालयात उपचारासाठी दाखल करण्यात आले. प्रकृती गंभीर असल्याने त्यांनी छत्रपती संभाजीनगर येथे हलविण्यात आले. मात्र उपचार सुरू असताना २३ मे रोजी त्यांचा मृत्यू झाला. ज्ञानेश्वर यांनी सततची नापीकी आणि कर्जबाजारीपणाला कंटाळून आत्महत्या केल्याचे नातेवाईकांनी सांगितले. ज्ञानेश्वर यांच्या पश्चात आई, पत्नी,१ मुलगा ,१ मुलगी, बहीण, भाऊ असा परिवार आहे.