पाणीटंचाईचा बळी! ८ वर्षीय चिमुकलीचा विहिरीत पडून मृत्यू; देऊळघाटची घटना; आक्रमक गावकऱ्यांनी केला रास्तारोको

दरम्यान घटनेची माहिती मिळताच पोलीस व बुलडाणा पंचायत समितीचे अधिकारी घटनास्थळी दाखल झाले असून सध्या गावात तणाव निर्माण झाला आहे. या रास्ता रोकोमुळे बुलडाणा अजिंठा मार्गावरील वाहतूक किमान चार तासापासून ठप्प झाली आहे. अंजली भरत शेजोळ( वय अंदाजे ८) असे मृतकचे नाव आहे. ती धनगर वाडी परिसरातील जमीन पातळीवर असलेल्या विहिरीतून पाणी आनण्यासाठी गेली असता तोल जाऊन विहिरीत पडली. यामुळे गंभीर जखमी झालेल्या अंजलीला रुग्णालयात भरती करण्यात आले. मात्र उपचारादरम्यान तिचा मृत्यू ओढवला. दरम्यान संतप्त नातेवाईक व गावकऱ्यांनी रास्ता रोको करीत अजिंठा राज्य मार्गावरील वाहतूक रोखली. या सर्वांनी रस्त्यावरच ठिय्या मांडला.