दोन मोटारसायकली समोरासमोर धडकल्या! १२ वीच्या विद्यार्थ्यांसह आणखी एक गंभीर जखमी! मेहकर डोणगाव रोडवर झाला अपघात

प्राप्त माहितीनुसार श्याम गजानन वैराळ (१८) आणि अमोल गायकवाड( रा.डोणगाव) अशी जखमीची नावे आहेत. प्राथमिक उपचार केल्यानंतर प्रकृती गंभीर असल्याने दोघांना पुढील उपचारासाठी छत्रपती संभाजीनगरला हलविण्यात आले आहे. श्याम वैराळ हा वर्ग १२ वीत शिकत आहे, तो शिकवणी वर्गासाठी जात असताना त्याची आणि अमोल गायकवाड यांच्या दुचाकीची समोरासमोर धडक झाले यात दोघे गंभीर जखमी झाले. दरम्यान अल्पवयीन मुले शिकवणी वर्गासाठी जातांना लायसन्स नसतांना मोटारसायकली घेऊन जातात याकडे पालकांसह पोलिसांनी लक्ष देण्याची गरज आहे. नव्या ठाणेदारांनी सुसाट मोटारसायकल चालविणाऱ्याकडे लक्ष देण्याची आवश्यकता आहे.