तलाठ्यांच्या अंगावर ट्रॅक्टर घालणाऱ्या दोघांना अटक! निमगाव वायाळ शिवारात घडली होती घटना

२६ मार्चच्या सायंकाळी निमगाव वायाळ येथील नदीपात्रात थरार घडला होता. महसूल पथकातील तलाठी यशवंत घरजाळे आणि विष्णू थोरात यांच्यावर रेती भरणारे, ट्रॅक्टरवाले, टिप्परवाले अशा ४० ते ४५ जणांनी हल्ला चढविण्याचा प्रयत्न केला होता. त्यांच्यावर ट्रॅक्टर घालून जिवे मारण्याचा प्रयत्न केला होता मात्र ते थोडक्यात बचावले होते, ट्रॅक्टरचा पाठलाग केल्यास जिवे मारू अशी धमकीही त्यांनी तलाठ्यांना दिली होती. दरम्यान याप्रकरणी तत्कालीन तहसीलदार सचिन जैस्वाल यांनी किनगाव राजा पोलीस ठाण्यात तक्रार दिली होती.आता यातील दोन आरोपींना अटक केली असून न्यायालयाने दोन्ही आरोपींना न्यायालयीन कोठडी सुनावली आहे.