तुळशीचे लग्न लागले अन् बेपत्ता होणाऱ्यांची संख्या झपाट्याने वाढली! जिल्ह्यात ६ दिवसांत २३ बेपत्ता; लग्न झालेल्या विवाहिताही गेल्या सोडून...

                                       जाहिरात 👆

 बुलडाणा जिल्ह्यात २८ नोव्हेंबर ते ३ डिसेंबर या अवघ्या ६ दिवसांत २३ जण बेपत्ता झालेत. यात १४ तरुणी / महिलांचा समावेश आहे. ९ तरुण देखील गायब झाले आहेत. जिल्ह्यातील विविध पोलीस ठाण्यात याप्रकरणी मिसिंग दाखल करण्यात आल्या आहेत. विशेष म्हणजे काही लग्न झालेल्या विवाहिता देखील गायब होत असल्याचे धक्कादायक वास्तव आहे. गायब होणारे १८ वर्षापेक्षा अधिक वयाचे असतात तेव्हा पोलीस मिसिंग दाखल करतात. मात्र अल्पवयीन मुलगी केव्हा मुलगा गायब होतात तेव्हा अशा प्रकरणात पोलीस अपहरणाचा गुन्हा दाखल करतात. अपहरणाच्या प्रकरणात पोलीस वेगवान तपास करतात मात्र मिसींग प्रकरणात पाहिजे तेवढ्या गतीने तपास होत नाही.