जागेच्या वादावरून विवाहितेसोबत केला चुकीचा प्रकार

खामगावच्या शंकरनगरातील विवाहितेने राहुल भैयालाल चौधरी (४६) व अजय भैयालाल चौधरी (३५, दोघे रा. शंकरनगर) यांच्याविरुद्ध तक्रार दिली आहे. तक्रारीत म्‍हटले आहे, की ती आई-वडील व भावासह घरी असताना अजयने अतिक्रमित जागेच्या वादावरून तिला शिविगाळ करून तिच्या भावाला जीवे मारण्याची धमकी दिली. तिच्या आईला लाथा बुक्‍क्यांनी मारहाण केली. हे कुटुंब पोलिसांत तक्रार देण्यासाठी गेले असता विवाहितेला एकटी पाहून राहुलने तिला गुप्तांग दाखवून तुम्ही जागा सोडली नाही तर हे असेच सुरू राहील, अशी धमकी दिली. यामुळे विवाहितेला लज्जा निर्माण झाली, असे तक्रारीत म्‍हटले आहे. तपास पोहेकाँ काशीराम जाधव करत आहेत.