आईनेच पुसले मुलीच्या कपाळावरचे कुंकू! जावयाच्या डोळ्यात मिरची पावडर टाकली अन् बॅट तुटेपर्यंत हाणला; शेगाव तालुक्यातील घटना

पोलिस सूत्रांनी दिलेल्या माहितीनुसार घटना २२ फेब्रुवारीच्या संध्याकाळी ७ वाजेची आहे. दीपक गजानन हाडोळे (रा.शेगाव) असे मृतक जावयाचे नाव आहे. दीपक दारूच्या आहारी गेलेला होता, त्यामुळे त्याची पत्नी वैष्णवी(३०) ही माहेरी तिच्या आईकडे जवळा बु येथे राहत होती. त्यामुळे दीपक सासुरवाडीत येऊन अधूनमधून गोंधळ घालत होता. दिपक च्या दारूच्या व्यसनाला सारेच वैतागले होते.

    नेहमीप्रमाणे २२ फेब्रुवारीच्या संध्याकाळी दिपक दारू पिऊन सासुरवाडीत आला. सासू सुशीला काळे यांच्या घरासमोर दारू पिऊन शिवीगाळ करू लागला. सुशीला काळे यांनी घराचे गेट व कुलूप बंद केले होते, त्यावर दीपक ने मोठ्या दगडाने व विटांनी मारले. अखेर राग अनावर झाल्याने दिपकची सासू मागच्या दाराने घराबाहेर आली, दिपकच्या डोळ्यात मिरची पावडर टाकली आणि हातातील बॅट तुटेपर्यंत दिपकला बेदम मारहाण केली,या मारहाणीत दिपकचा मृत्यू झाला. दिपकच्या पत्नीने याप्रकरणी शेगाव ग्रामीण पोलीस ठाण्यात तक्रार दिली असून आरोपी सासुविरुद्ध खुनाचा गुन्हा दाखल करण्यात आला आहे.