दुचाकी एकमेकांना धडकल्या; एक ठार, एक जखमी

अतुल सुधाकर दाभाडे पाटील (३०, रा. सावरगाव ता. जळगाव जामोद) असे मृत्‍यू झालेल्याचे नाव आहे. तो खामगावच्या एचडीएफसी बँकेत कार्यरत आहे. बँकेच्या कामानिमित्त बाहेरगावी फिरत असतो. काल सायंकाळी अतुल व श्याम श्रीराम कव्हळे हे दोघे जण संग्रामपूरहून मोटाररसायकलने (MH 27 BY 2253) सावरगावला येत असताना निंभोरा फाट्यावर समोरून येणाऱ्या हिरो होंडा एसएस कंपनीच्या मोटारसायकलीचा (MH 31-4713) चालक संदीप प्रल्हाद उगले (४० रा. अंत्री बोराखेडी ता. मोताळा) याने ताब्यातील मोटासायकल भरधाव व निष्काळजीपणे चालवून धडक दिली. यात अतुल जागेवरच मरण पावला. त्याच्यासोबतचा श्याम जखमी झाल्याने पुढील उपचाराकरीता खामगाव येथे हलविण्यात आले आहे.