पातूर्डा खुर्द येथील तलाठी जाधवने केले तोंड काळे; सातबारा उताऱ्यावर आतेभावाचे नाव घेण्यासाठी केली लाचेची मागणी ! एसीबीने शिकवला धडा..

शेतीच्या खरेदीनंतर फेरफार घेवुन सातबारा उताऱ्यावर आतेभावाचे नाव घेण्यासाठी व खरेदीसाठी पातुर्डा खुर्द येथे कार्यरत तलाठी पंजाबराव जाधव हे १० हजार रुपयांची मागणी करत असल्याची तकार लाचलुचपत प्रतिबंधक विभाग, बुलडाणा यांना प्राप्त झाली. त्यानुसार १३ मार्च २०२४ रोजी लाचमागणी पडताळणी कार्यवाही आयोजीत केली होती. यावेळी तलाठी जाधव याने ८००० रुपयांची लाचेची मागणी केल्याचे सिद्ध झाले. तक्रारदाराला लाचेची रक्कम तात्काळ घेवुन येण्यास सांगीतले परंतु संशय वाटत असल्याने जाधव याने लाच स्विकारली नाही. मधल्या काळात निवडणुकी दरम्यान, तलाठी जाधव इलेक्शन ड्युटीवर होते. जाधव यांना आज २१ मे रोजी एसीबीने ताब्यात घेतले. लाच मागणीबाबत त्याच्या विरोधात कलम ७ भ्रष्टाचार प्रतिबंध अधिनियम १९८८ प्रमाणे दिनांक आज २१ मे २०२४ रोजी गुन्हा दाखल करण्याची प्रकिया सुरू करण्यात आली आहे.