धक्कादायक! मलकापुरात तिघांनी लुटली विवाहितेची इज्जत; चिखली तालुक्यातील विवाहितेला मलकापुरात नेऊन रात्रभर...

मलकापूर(बुलडाणा लाइव्ह वृत्तसेवा): मलकापूरात अतिशय धक्कादायक अन् तेवढीच संतापजनक घटना घडली आहे. चिखली तालुक्यातील अमडापुर पोलीस स्टेशन हद्दीत येणाऱ्या एका विवाहितेला मलकापूरात नेऊन तिच्यावर सामूहिक बलात्कार करण्यात आला. ३ नराधमांनी एका खोलीत विवाहितेवर आळीपाळीने रात्रभर अत्याचार केला. पिडीत विवाहितेला नवऱ्याने सोडून दिल्याने तिची मानसिक अवस्था ठीक नाही, त्याचा गैरफायदा घेत आरोपी नराधमांनी पाप केले. मलकापूर शहर पोलीस ठाण्यात याप्रकरणी गुन्हा दाखल करण्यात आला असून आरोपींना अटक करण्यात आली आहे.